星期五週記

慎防消費陷阱
是咁的,最近拎咗2000蚊消費卷(多謝tap and go請我飲咖啡)當然要即刻消費下啦。
所謂肥水不流外人田,拎完錢就當然即刻返公司買返隻睇啱好耐嘅耳機,點知一返到去,就見到老細整緊部縫紉機咁嘅嘢。
部縫紉機原來係一部剪裁mon貼嘅機,只要喺個data base入面揀返你機型,再擺塊高清/磨砂嘅貼落去,就可以度身訂造返個貼。
作為公司嘅Parttime,老細即刻叫我親身落手試下操作部機,學下點用,見到咁有趣嘅玩意我都迫不及待要玩玩了。試過幾次之後就好順利咁癡好個貼,點知呢個時候老細竟然喪心病狂咁同我講:
“一塊磨砂mon貼,就收你員工價啦!”
我望一望自己部機,塊磨砂mon貼好完美咁癡喺上面,想搣都搣唔到,一瞬間心如死灰。
“啱好出咗消費卷,你係用tap and go吖嘛?自己用呢部機埋數啦!”
舊傷未愈,新傷又添。我捂著胸口,臉色蒼白。哭啊!大意了,沒有閃!
Btw 有位同事原來拎唔到消費卷,年輕真好!

Leave a Comment

你的電郵地址並不會被公開。 必要欄位標記為 *

0
Shopping Cart
Scroll to Top